元朗本周日晚被疑似黑幫的白衣人隻手遮天，手持武器四出襲擊市民。市民、議員、港鐵或大型商場連番報警，最終需捱打多時，才有警員到場。早前囂張回應記者提問、指「睇唔到錶」的警察八鄉分區指揮官李漢民，再在網民流傳的短片中現身。片中清楚看見，李與白衣人商討對策，多次拍白衣人肩膀，安撫對方，語氣明顯較回應記者提問時溫柔。白衣人高聲向李Sir表明，「趕晒（市民）上車未？再斬我哋就麻X煩啦，佢哋唔走，畀我哋趕佢走」，李則笑笑口回應：「心領」。
《蘋果》正等待警察公共關係科回覆。有接近警方消息指，該片段為早前「光復上水」時拍攝，有原居民計劃出動向示威者動粗，李當時勸喻原居民，指警方會執法，澄清該片段並非本周日元朗白衫人襲擊市民時拍攝。。不過流出片段提到7月14日沙田新城市廣場清場事件，而光復上水就於7月13日才發生，明顯該消息與事實不符。
元朗本周日晚有數百名白衣人湧現，手執鐵通、長棍和藤條等，瘋狂襲擊區內市民，惟市民向警員求助無門；多家警署落閘，報案中心長期打不通，全城陷入一片惶恐。今日流傳一段約半分鐘的短片，片中見到八鄉分區指揮官李漢民，帶同逾30名警員，與白衣人輕鬆交談。其中1名戴口罩、身穿白衣的中年男子不斷問李，市民「走晒未？趕晒上車未？」，更指警員無法驅散市民，會代勞幫忙，爆出一句「再斬我哋就麻X煩啦」。
另一頭戴白帽、穿黑衣中年男更謂，早前在沙田新城市廣場的警民混戰中，示威者把警員「手指都咬斷」，豈料同穿白衣的李漢民拍拍該男子的肩膀安撫他：「心領嘅，唔想大家嘅幫忙，令到我哋辛苦」，籲現場白衣人不用擔心。另一人回應：「最緊要佢哋走晒，我哋就散」。
李漢民早前回應記者提問時，態度囂張，語氣輕佻，又用不屑語氣回應記指「你唔好質問我啦！我亦都唔會答你只係一個記者問題」，直言記者問題「唔會令我驚架！」。但在流傳片段中，白衣人語氣粗獷，又不時手指指，說話多配肢體動作，李則無就他們的「提問」提意見。片中亦拍攝到一名白衣人側臉，疑為激進建制團體、前警員「大波Man」石房有，與其他白衣人士站在同一陣線，與李漢民對話。
