7.7九龍區23萬人大遊行後，轉戰油尖旺，大批防暴警昨夜旺角清場。有女途人指，昨晚在旺角一商場晚膳後，步出彌敦道時被多名持盾警察以警棍威嚇驅趕，期間男友向警員理論，但警員即伸出警棍呼喝「係咪想返差館？」她指不會再信警察有良知，「冇親身經歷過，你唔會明佢哋有幾失控」。《蘋果》今接獲讀者在同一事發時間及地點拍攝的片段，大批持盾便衣警高聲呼喝和驅趕所有行人，更看到有便衣警向年輕男子後頸位置揮動警棍；部分便衣警未有佩戴委任證。
網民Kathy Cheng今凌晨約12時在facebook以「或許去旺角食飯，係我係（喺）7月7號做得最錯的決定」為題發文，指昨晚10時在TOP商場彌敦道出口離開，突然有約千名警員向她的方向推進，持盾和警棍威嚇所有行人，「無論你食完飯定行緊街，總之你係（喺）佢面前，就要走」。原打算往朗豪坊的她被迫向前行，「而班警係（喺）後面用比我地（哋）行路要更快既（嘅）速度喝我地（哋）離開」，亦無講清楚行人要散開至何處，當時所有人都十分害怕，亦有人家住太子無法歸家，同樣被迫去油麻地方向。
Kathy續稱，至惠豐中心對出亞皆老街，警方進一步推進，「我轉唔切方向，企唔穩，但一直俾警察用警棍指嚇。佢地（哋）一直揮武（舞），好似要打落黎（嚟）咁」，當時男友護送她向前行，惟自己重心不穩行得不快，便被警方包圍，男友與警員理論，警員就伸出警棍至他們眼前說：「係咪想返差館？」她說，當刻十分害怕被警方打，惟有拉着男友向西洋菜街方向離去，警員繼續用盾推進並呼喝：「走啊！係咪唔走啊」，自己亦哭著向警察說：「走緊啦啊sir！走緊啦！我都係食完飯姐，我做錯左（咗）乜野（嘢）呀？」
她說，警員至菜街便無再上前，但自己已泣不成聲，認為自己只是個普通路人，「我唔明憑乜我要受到咁不禮貌既對待」，批評警方以納稅人的錢出糧，但卻「用槍」指向市民，「冇親身經歷過，你唔會明佢地有幾失控。我唔會再相信警察都有良知、有好人」。她在文末呼籲如有人士拍攝到相關片段，請與她聯繫。
《蘋果》就事件以短訊向Kathy查詢，正等候回覆。但今午收到兩條由讀者提供的片段，昨晚約10時15分匯豐銀行對出彌敦道、及惠豐中心對出亞皆老街拍攝。從片段可見，多名便衣警持盾牌及警棍驅趕行人，並向西洋菜街方向推進，又大聲呼喝拍片市民，並對住鏡頭大叫：「喂！咩啊！點啊！」又有便衣警向年輕男子後頸位置揮動警棍，男子被打後以手按著後腦，狀甚痛苦。部份市民需由旁人攙扶離開，有一名男子被警方包圍，亦有女市民不斷哭泣。片段亦可見，部份便衣警沒有佩戴委任證。
