■伍忠榮與光頭周前晚在茶餐廳商議拆路障大計，其間手舞足蹈，相當興奮
旺角佔領區近日發生企圖縱火等暴力事件，儼如警方形容「直逼危險線」的非常地帶，隨時爆發動亂，究竟誰是動亂的幕後推手？連日來在旺角「衝鋒陷陣」拆路障的綠色和諧大聯盟核心成員伍忠榮及姓周的光頭猛將，前日與同黨在尖沙嘴茶餐廳密斟江湖清場令，有人吹雞，拖馬，更聲稱「做賊都唔怕」，揚言要淋火水、放火燒。結果20小時後，伍、周兩人齊現彌敦道督師，一幕口罩黨瘋狂拆路障、見人就打的兇悍場面，昨午再次於旺角上演。
根據讀者提供的片段，這場茶餐廳度橋飯局於前晚7時許在金巴利道開始，一身白衣的伍忠榮和光頭周正是綠色和諧大聯盟的骨幹，伍更是主席，當時二人跟兩同黨一起度橋。光頭周率先獻計說要暴力清場，「我第一個動作一定係打，我情願佢（警察）拉我，你就同我拆晒佢（路障）」。他當時表現興奮，手舞足蹈。
另一人搭嘴說會挑釁集會人士「隻揪」轉移視線，光頭周亦搭嘴「我就引傳媒嚟，你哋就拆其他！」他稱目標是一日內清除所有路障，出動的人全部要戴口罩。四人幫密會，伍忠榮及光頭周表現主導，這時伍說「我哋係做大事」、「目的係聲東擊西」，有人又說「我哋收錢做嘢！」旁若無人。
此時，光頭周接聽電話，他叫來電者「阿Sir」，他說旺角的事，自己已經「幫得就幫」。最後他承諾「我做賊都唔怕，何況呢啲」。掛線後他說「頭先阿Sir講，你再唔搞掂，落我（阿Sir）面啫。到時淋火水，不妨係咁燒」。各人聽完，不發一言。
經過逾一小時商議，四人幫訂出至少出動三隊人，藍衣男子隨即致電「吹雞」，他指其中一隊是為數30人的南亞人士，又提醒參加者要戴綠絲帶，他吩咐三隊人於下午1時到通菜街集合，兩小時後行動。
他們計劃先派一隊人衝前拆路障，周便教路「要夾硬扯，大力拉，佢（學生）實散㗎，跟住用繩拉埋一邊先，拉埋行人路先，我費事剪住，拉過嚟先慢慢剪，唔好等啲學生企喺度」。
同時又安排三架夾斗車到場，泊在登打士街一帶，準備將路障、鐵馬、卡板即時清理，其間有人說將鐵馬當廢鐵運去回收，順便多賺一筆。
飯局尾聲，四人幫都同意製作巨幅橫額壯聲勢，光頭周興奮說，只要拿着標語講「反佔中支持者過嚟」，就會吸引人圍觀，並建議標語寫「反佔中支持者保衞香港」，身旁藍衣男執筆卻不懂寫「衞」字被人取笑。其後藍衣男認為口號要寫「和平清理」，卻遭伍忠榮反對，「用『開路啦』，邊有咁多嘢清理，我哋係要開路，唔係清理」。另一人反駁：「唔用『開路』就好聽啲。」但伍忠榮一意孤行「清理清理，清理完唔使開路咩？」最後伍獲同黨支持，大家同意以「和平開路」為最後口號。
這幫人密會20小時後，至昨午2時許，伍忠榮及光頭周齊齊現身亞皆老街企圖拆路障，同一時間，包括南亞人士在內的10多名黑衣口罩男，突襲彌敦道登打士街拆障礙物，跟四人幫的聲東擊西計策脗合，旺角即陷大亂。
茶餐廳密會語錄
光頭周：我做賊都唔怕，何況做呢啲。
伍忠榮：開路啦，邊有咁多嘢清理，我哋係要開路，唔係清理。
光頭周：嗰個只係幫辦仔，我哋搵個總警司，噚日個總警司仲搭住我膊頭，係咁叫我。
光頭周：要做橫額，唔做又話冇老闆支持，做塊橫額話「反佔中支持者保衞香港」。
光頭周：阿Sir，佢哋真係喺旺角，你明唔明，我已經幫得就幫。
藍衣人：兄弟兄弟，吹雞去撐場，聽日去反佔中。
