http://hk.apple.appledaily.com/news/art/20141018/18903953
■禤同學製作黃色黑底的雨傘襟章，派發給聲援佔領的市民
一塊絨布和一張硬卡紙，剪裁成雨傘和圓形圖案，再用白膠漿黐上扣針，就成了一個雨傘襟章，「唔知自己可以做到啲乜，我自己鍾意做呢啲嘢（小手作），希望帶啲新意同creativity（創意）畀大家，出街可以掛喺衫或袋度」。城市大學電腦科學系應屆畢業生禤同學連日來製作黃色黑底的雨傘襟章，派發給留守者和聲援市民，更希望留住離開了的同路人。
雨傘運動來到第21日，有人堅持也有人退下火線。禤同學坦言，身邊不少朋友有工作在身，都感身心疲累，沒有再站出來。她遂萌起製作雨傘襟章的念頭，在夏慤道席地而坐，一裁一剪，勞力加上創意，希望再次喚起同路人的熱血，給予他們支持。「希望佢哋收到會覺得，其實呢度仲有好多人，仲有好多energy（能量）喺呢度，希望繼續支持，嚟到一日得一日」。
她說政府一直拒絕回應學生的訴求，不斷拖延，自己也曾失望累透，「唔知仲可以做到乜嘢」。慶幸早前在金鐘遇上一名在香港居住的澳洲人，偶然的相遇給她打了支強心針，「佢話柏林圍牆都冇人諗過有一日會被推冧，好多謝佢畀咗我好正面嘅諗法，唔知可以行到去邊度，但相信我哋可以」。
訪問當日特首梁振英宣佈最快下周恢復與學聯對話，但不會撤回人大的政改決定和修改基本法等，又重申公民提名違法。「佢（梁振英）成日都係咁，話冇前設去展開對話，但自己就落晒前設」，禤直言，經過政務司司長林鄭月娥反口擱置會面，已沒需要再對話，「咁冇誠意就唔好嘥時間，到時前一日又突然cancel（取消），佢玩晒啦」。
撐了三星期，她坦言難免有氣餒的時候，「冇辦法啦，689咁厚臉皮，又有阿爺撐」。但製作襟章期間，途人經過，再回頭索取，完成一個，送出一個，又叫她信心慢慢累積回來。她認為，要短期內全面落實公民提名，機會不大，但必須改組提委會，增加民主成份，「政府唔回應，我哋唔應該撤」。
