昨晚，是子華棟篤笑的尾場。臨別前，也是今晨旺角清場前、金鐘龍和道警方武力清場之後，他說了以下一番話：「我每晚都預咗聽晚冇得做，呢個唔係一件好得意嘅事。因為每晚都有啲事發生，每晚都可以件事發生大到係我冇得做。
「一個好簡單嘅原因，我一路講雞蛋、高牆，我當然企喺雞蛋嗰邊。但係如果有一晚，有一隻雞蛋碎咗，我就冇得做，我相信大家都冇興趣聽，我亦都冇心情做。
「所以，能夠經過咗咁多晚我可以做完，其實呢件事都發生咗十幾廿日，我覺得係咩可以促使到我今時今日仲做緊呢？可以做埋今晚？
「其實，我哋香港人係好愛香港。由第一日開始，我哋係因為愛而開始呢個運動。無論係政府，或者市民，我哋都係因為有D愛，如果唔係就扯爛咗呢個BB仔(香港)。我希望大家以後更加要諗下，跟住落嚟要點扯呢，嗰個愛就是真正的考驗。」
