旺角美髮店老闆娘Dina為學生瞓街抗爭心痛淌淚
旺角街頭淪陷多日，有商戶埋怨學生「阻住地球轉」，但亦有兩子之母的老闆娘秉持良心做事。在旺角通菜街經營美髮店「百合駁髮」的Dina，自佔領旺角後生意大減7成，就連專程由菲律賓乘機來港的熟客及預訂全告取消，但她心繫卻是一班「無學返、無覺瞓」的小朋友。
「呢班同學咁多日都無返學，無啖好食，做人哋母親都覺好慘…我係一個小學都無畢到業的人，講唔出嘢，但睇到新聞都流眼淚，想幫佢哋。」她曾經親自煲綠豆糖水予同學們下火，又在Facebook宣揚下午1至10時開店期間可隨時上門叉電及休息。
17年前由重慶來港白手興家，開店供養兩子的Dina，深深體會內地箝制言論自由之苦。「大陸唔可以講錯嘢，講錯嘢會坐監，如果唔係爭取，唔出嚟講，香港赤化機會好大。」故她力挺學生，要求梁振英出面解決。「呢個梁振英唔理佢哋，點樣都要向同學講下嘢，解決下。
