旺角佔領區被形容為「龍蛇混雜」，但留守者當中卻有一班由空姐、機師及民航處公務員組成的航空界精英，在過去一個月風雨不改，於旺角瞓街守護學生，「見到個社會咁，個心都冇可能安樂」。他們誓言，即使冒着失去高薪厚職的風險，如果沒有公民提名，就會一直留守下去。
航空界人士一向予人「離地中產」感覺，樣子有點像「Cool魔」、任職國泰機師的阿威（化名）過去一個月卻幾乎每天都在旺角瞓街：「我唔使飛嗰陣幾乎都喺旺角街頭瞓，除非第二日要飛，就提早返屋企養足精神。」
記者前日深宵時分和他在旺角街頭做訪問，亦遇到其「行家」和他打招呼，「我自己都認識四、五個機師一得閒就落嚟。唔少外籍機長都知道大陸打壓人權嘅狀況，對佔領運動表示支持」。他對政府感到憤怒，「回歸以來香港嘅情況每下愈況，大陸基本上係用對西藏同新疆的方法，大量輸入內地人嚟溝淡香港人」。
佔領行動震撼航空業，和阿威同公司的空姐Jessica（化名）說，在9.28警方施放催淚彈後，她和不少同事都想在制服綁上黃絲帶，但管理層卻「提醒」同事「唔屬於制服一部份，唔可以掛上去」。更不時遇上內地客挑釁，有內地人因佔中「訓斥」香港機組人員，「有同事忍唔住直接反駁『你哋呢啲冇試過有自由滋味嘅人，你哋係唔會明！』」令對方知難而退。
以前外勤時會遊山玩水，但她和阿威稱9.28後同事都是聚在酒店討論香港狀況，「不停更新facebook了解香港最新局勢，個心囉囉攣」。她說國泰有同事在金鐘設立兩個營，不少人一回港就到場留守。
■在旺角佔領區，有市民將寫滿眾人心願的黃色紙砌成傘形圖案
他們多次站在旺角衝擊最前線，有幾次更和警方直接對峙：「有次身邊有人一碰鐵馬，警察就拎警棍出嚟打，後面好多學生唔知前面發生乜嘢事，就被打到頭破血流。」有學生不知所措哭泣，有學生呆若木雞，他們要合力將學生拉離現場。Adolf說：「旺角日頭最少人，最易被清場。我哋返Shift，都係早上一放工就過嚟撐，幾乎都係瞓到第二日。」民航處200多名同事，據他所知約有30多人自發上街聲援佔中。
在旺角留守一個月，他們感受到旺角被抹黑和誤解。他說即使旺角無大台，留守者質素亦同樣高：「金毛講嘢都有紋有路，留守者同金鐘一樣熱愛和平。」他們希望透過自身的行動，為旺角向外界「正名」，「旺角有好地道嘅港式幽默感，例如大家會用生日歌驅走滋事分子，呢啲都係態度比較中產嘅金鐘冇。」
Patrick直言，他們的專業牌照考回來都要過五關斬六將，過程有血有淚，一旦被捕，現時的生活將化為泡影，但他們對政府的憤怒已蓋過恐懼。他們誓言，沒有公民提名，就不會撤走。
