在旺角集會區經歷多次大衝突的阿 Joe，平日只是一位髮型師，動記者日前訪問過他在集會區為巿民義剪頭髮，但在昨日的警民衝突，他卻走在最前，守護弱質少女。
集會區回復平靜，阿 Joe 並未有離開，記者問他昨日一直擋在第一排與警察面對面，不怕一棍摳下來？他堅定的說：「當時就係知道嗰邊有衝突發生，呢邊就嗌緊要裝備、要保護啲示威人士，所以就攞住啲裝備行出去。但好快，啲警察就開始衝過來，啲人退嘅時候，我就向前行囉，因為我唔想佢哋再開棍嚟打人囉！」
當時阿Joe一直攤開雙手，就像母雞保護小雞般，後面剛好有一位少女被嚇得瑟縮着，「首先我見到出面有女仔喺度，我第一個反應就係冇得揀，我只可以向前行，因為啲人退緊，惟有有人向前行要制止前面嘅事發生，咁得我一個，我咪向前行囉！」
阿 Joe (橙色衫)昨日在衝突事件中，一直擋在警察和集會人士之間。
