旺角樓上咖啡店「龍華軒」，廚房遠望是佔領區，像瞭望站。老闆吳景龍與拍檔陳求其，每隔一陣，總忍不住望上兩眼。「樓下開大片（打交），呢度會聽到；冇生意，就早啲關門，落樓下睇吓有乜幫手」。既是小商戶，又是佔領者，心情難免複雜，「生意有影響，但也遇到好多錢買唔到嘅回憶」。偷偷留下打氣字條的內地客人、吃下廉價午餐卻放下金牛「唔使找」的香港人，哥兒倆明知路不好走，都會與港人並肩走下去。
像很多年輕人一樣，開cafe，是阿龍和求其的夢想。小店2月開，他倆還認真到先在咖啡店工作，爭取實戰經驗。押上全部積蓄、問家人朋友借錢，拉扯湊夠40萬，那想到只半年旺角竟一夜「淪陷」，「生意跌一半，但我唔會怪堵路，大家都係荒謬政策下受害者，𠵱家有人企出嚟爭取，邊鬧得落？大不了從頭嚟過。」
28歲的阿龍，是7.1留守渣打道511個義士之一，積極參與社運，笑說源於四川大地震一個數字，「當時話要撥一億賑災，但鄰近嘅上海同北京，大過香港近過香港，捐1,000萬都唔夠。」社會不平事，越了解越火滾，由反國教到東北發展計劃到港視，他與無數港人一樣，由不問世事的搵食一族，為公義越走越前。
