經歷昨日「V煞夜」引發的兩度大混戰，今日凌晨過後的旺角集會區明顯平靜，加上持續下着一陣陣毛毛雨，化解了警察和巿民不少戾氣，更有駐守在路障前的警員，在避雨帳篷下談笑風生。
不過，昨日在場的目擊者憶述事件時，都不認為警員想借機清場，只覺得警員捱不得集會人士的唾罵，為了「出啖氣」而已。嶺大學生Fiona亦表示，警方不像是要清場，是一些小型威嚇，「岑敖暉昨日都有入警察圈，問過警察係想清場定係點？」警員當時否認清場，但反指集會人士戴上防護裝備，似作勢要衝擊，故作出鎮壓。
任職銷售員的盧先生昨直擊警民第二次衝突，「你見到係好唔正常㗎！佢又唔係清場，做乜推冧晒啲人啫？係咁推跌晒啲嘢？你唔知佢為乜！好似，你鬧得我咁勁呀？呢度我話事喎。他同意集會人士有不斷出口辱罵警員，但卻動口不動手，反而警察用武似為「出氣」：「拉啲示威者出嚟，去㩒啦、打啦，甚至拉佢出嚟唔知想做乜，但嗰啲人完全冇肢體衝撞差人。」
