普選由真變假，觸發波瀾壯闊的雨傘革命，抗爭持續逾月未退。前特首董建華認為，本港青年的訴求源於苦無向上流動的機會，擔心工作多年無法置業。有佔領區留守者轟董轉移視線，「我哋出嚟嘅最大原因，係社會不公義」；也有佔領者明言自己「唔係冇機會置業，而係唔值得下半生做樓奴！」
留守者：唔值得下半生做樓奴
推出副學士以「拖延」雙失青年問題，是「老董」時代的「傑作」。鄭先生副學士畢業後，任文職工作兩年，坦言收入雖不高，卻是自己選擇，「出嚟抗爭唔係緣於冇向上流動機會，董生似係轉移爭取真普選視線。（抗爭）最大原因，係因為社會嘅不公義」。
鄭先生說，在港要搵錢不難，但僅限保險、地產，入職容易，但產業單一，其他行業難發圍，年輕一代難追夢，這才須要從制度上改革。
35歲的羅先生同意董指港青年缺向上流動的機會，但不認為這是港人抗爭主要原因。他自己是為爭取真普選走上街頭，「施政冇希望，前途好迷茫，（青年人）先咁激烈反抗，係一個連帶關係」。
羅先生明言自己不是沒有機會上車置業的一群，而是樓價經已高得脫離了現實，「唔值咁貴，唔值用半份糧去供，下半生做樓奴」。他更指，自9月底經常到佔領區，眼見不少中產人士也參與抗爭運動，「呢個政府偏袒大財團，太明顯、太過份喇」。
