在7.28上環警民衝突中被捕的民陣前召集人楊政賢，昨日凌晨從葵涌警署保釋出來。他批評警方在拘捕過程中未按條例處理他的手機，甚至出言恐嚇要把他押進冷氣房。葵涌警署收押場所環境惡劣，四十多人恍如被關在蒸籠，談到被捕者被控，一度哽咽。
在上環被捕的逾40名示威者，昨日凌晨陸續獲保釋。其中楊政賢獲准保釋候查，未被檢控。他獲釋後在警署門外交代被捕後的遭遇：「當時（被捕當晚）我哋都好合作，跟隨警方嘅指示，但係警方將我扯入盾陣裏邊用拳頭制服我。」
指警違例處理手機兼恐嚇
楊政賢被捕後，其電話被警察充公，「喺佢充公嘅一刻，我已經同佢講佢一定要將呢個電話擺落一個密封嘅證物袋裏面，但係佢冇咁樣去做」，他再三催促警方依例處理其手機，「有警員竟然用電筒照射落我個眼度，甚至有個警員恐嚇我話你咁嘈係唔係要入冷氣房」。
根據《警察通例》，警方撿獲貴重財物作為證物時，須放進防干擾財物封套內密封，並由財物擁有人簽署確認。警方的處理手法可能已構成妨礙司法公正。
「佢哋嘗試用酷刑去嚇怕一啲堅守自己權利嘅示威者。」楊政賢說，逾40名示威者「係喺一個好似蒸籠咁樣嘅停車場裏面坐咗24個鐘頭，有啲人可能更加長……有啲人甚至熱到好似熱衰竭咁」。而他自己則在周一深夜被押往其寓所搜查，「喺深夜嘅時候送我去屋企，去騷擾我屋企人」。談到被控暴動罪的其他示威者，他一度哽咽：「入邊有40幾人，超過40個都告暴動罪，我同佢哋可能只係相處咗20幾個鐘頭，喺呢個地牢裏邊，但係佢哋大部份都係一啲……佢哋只係十幾廿歲咋！點解要用暴動罪去嘗試迫害佢哋啊？14年係咁樣！16年係咁樣！19年，家5年啦！政府仲係用緊青年嘅鮮血，用緊佢哋嘅自由，去換取佢哋嘅尊嚴、去換取佢哋嘅權力、換取佢哋嘅利益！」
「我哋要自由，我哋爭取嘅就係自由，我哋爭取係自主，我哋唔係暴徒！」然後在警署外等候他的群眾一起高呼：「沒有暴徒！只有暴政！」
在上環被捕的逾40名示威者，昨日凌晨陸續獲保釋。其中楊政賢獲准保釋候查，未被檢控。他獲釋後在警署門外交代被捕後的遭遇：「當時（被捕當晚）我哋都好合作，跟隨警方嘅指示，但係警方將我扯入盾陣裏邊用拳頭制服我。」
指警違例處理手機兼恐嚇
楊政賢被捕後，其電話被警察充公，「喺佢充公嘅一刻，我已經同佢講佢一定要將呢個電話擺落一個密封嘅證物袋裏面，但係佢冇咁樣去做」，他再三催促警方依例處理其手機，「有警員竟然用電筒照射落我個眼度，甚至有個警員恐嚇我話你咁嘈係唔係要入冷氣房」。
根據《警察通例》，警方撿獲貴重財物作為證物時，須放進防干擾財物封套內密封，並由財物擁有人簽署確認。警方的處理手法可能已構成妨礙司法公正。
「佢哋嘗試用酷刑去嚇怕一啲堅守自己權利嘅示威者。」楊政賢說，逾40名示威者「係喺一個好似蒸籠咁樣嘅停車場裏面坐咗24個鐘頭，有啲人可能更加長……有啲人甚至熱到好似熱衰竭咁」。而他自己則在周一深夜被押往其寓所搜查，「喺深夜嘅時候送我去屋企，去騷擾我屋企人」。談到被控暴動罪的其他示威者，他一度哽咽：「入邊有40幾人，超過40個都告暴動罪，我同佢哋可能只係相處咗20幾個鐘頭，喺呢個地牢裏邊，但係佢哋大部份都係一啲……佢哋只係十幾廿歲咋！點解要用暴動罪去嘗試迫害佢哋啊？14年係咁樣！16年係咁樣！19年，家5年啦！政府仲係用緊青年嘅鮮血，用緊佢哋嘅自由，去換取佢哋嘅尊嚴、去換取佢哋嘅權力、換取佢哋嘅利益！」
「我哋要自由，我哋爭取嘅就係自由，我哋爭取係自主，我哋唔係暴徒！」然後在警署外等候他的群眾一起高呼：「沒有暴徒！只有暴政！」
