天要滅中共，必先使其傀儡瘋癲
六個波士難逃一劫 娥特剋主習大頂唔住? - 李八方 E-mail 此主題給朋友
https://hk.news.appledaily.com/l ... e/20190611/20701210
本報名采版高手林立，八方每日必拜讀，其中馮翁馮睎乾近日引述一位定居加國嘅術數高手透露嘅天機，提到林鄭有一特質，「是剋主，即為主人添麻煩……不信的話，可看看她所有舊老闆的下場。」是耶非耶？八方睇完無比好奇，忍唔住查證一番。
經濟論壇握手險「落台」
由回歸數起，娥特前後七個上司輕則下台重則坐監。由佢上一官職做政務司長數起，老細係689，結果由篤定連任變成因「家庭問題」成為政治閒人，更被娥特取而代之！再前兩個上司，分別係擔任發展局長時嘅時任特首曾蔭權，同出任民政事務局常秘時嘅局長何志平，兩人都不約而同要經歷牢獄之災，娥特殺傷力果然驚嚇！
再數遠啲，林鄭2003至04年間做過房屋及規劃地政局常秘，局長孫明揚後來轉任教育局局長，發現患上腎衰竭要洗腎，再感染埋退伍軍人症；出任社署署長，直屬上司係衞福局局長楊永強，結果因沙士孭鑊下台；就連前庫務局局長鄺其志都遭殃，只係同林鄭共事一年，後來任港交所行政總裁就受仙股事件牽連辭職收場。唯一倖免應該只有曾俊華，當年他任工商及科技局局長，架構上係駐倫敦經貿辦代表林鄭嘅老細，或者隔得遠令剋主力大減，曾俊華最終不過輸場特首選戰。
話時話，習近平出席俄羅斯經濟論壇，為握個手差啲仆親，原來世外高手半個月前批過，林鄭「其主上居破軍擎羊」，即係上司「活動能力」會受損；而習上年訪歐時腳步異常，有傳就係因為痛風，唔通連習大大都難逃林鄭剋主宿命？(*)
(*) 但願如此，香港可重生了！hallelujah !
(*) 但願如此，香港可重生了！hallelujah !
