巿民無法得知8.31港鐵太子站真相，迫使少女昨晨在站內跪求港鐵公開閉路電視片段，圍觀者無不動容。趕到聲援的少女、女學生、家庭主婦在旁頻頻拭淚，只想年輕人感受到他們並不孤單。年屆七旬伯伯聲如洪鐘地說：「全部坐喺度，我哋冇錯點解要下跪？」在場人士隨即改為靜坐。陳小姐到場默默支持手足，「即使我可能跪唔到，但係我都想呎喺度同佢哋講，佢哋唔係得自己一個。」她聲淚俱下批評8.31警察無差別打人行為過份，不值年輕人卑躬屈膝，只求還原真相。
心痛年輕人為港毀前程
專程由屯門到太子聲援下跪少女的吳女士激動落淚，「年輕人為咗香港而付出，毀咗前程係唔值得，而且呢個暴政政府同黑警，根本巿民無路可訴，去邊度投訴好呢？我哋年紀大冇所謂，我好心痛啲年輕人」。她坦言當初立場中立，直至看到7.21、8.31新聞直播，「好心痛，根本係歪曲事實，我唔識佢哋（年輕人）㗎，佢哋犧牲前途呀，你知唔知，佢哋都有父母」。
中午時分有中學女生到場支持，看見巿民呼籲下跪人士離開以免被拘捕，忍不住流淚：「家陣啲市民驚警察，驚到要走，好唔明囉！」靜坐的人群中，傳出一把稚嫩聲音喊叫「香港警察」，在場人士和應「知法犯法」，一名八歲小女孩高舉「黨鐵交片，還我真相」標語，身旁的媽媽解釋指女兒知道發生甚麼事，直言帶小朋友遊行超過十次，母女會一起看新聞，媽媽說：「我哋睇8.31直播，唔畀記者訪問、封站，如果見得光你怕乜畀人入去訪問？」
