日本年度漢字第二位，揀中一個爆字，意指中國大媽大叔遊日時的喪買行徑。日本稱之爆買。
香港這邊，要選年度潮字，爆，都啱。
鉛水爆煲，市民這才曉得，中國建造，為你掘墓！鉛水喉原來一直不在房署驗收之列，連廁紙架也揸正檢測，卻放生鉛水喉，實在匪夷所思。指飲鉛水是羞辱官員的林鄭，幫中招屋邨追討了每戶賠償金700元不到，爆房都不夠！做官，有七個肺都唔定，無畏頂爆！
高鐵有封頂和無封頂，都使凸納稅人八百多億。如果斬倉，要俾756億。天文數字，爆億在眼前，香港，真的是一塊肥肉，梁政府唔使慳住，更加唔會食素咁笨。官到無求膽固醇高，香港被肉食性動物的狼凸食硬，爆億陸續有來。（落袋那五千萬真濕碎！）
網絡23條令精神病醫生黐晒線，青山等住被爆粗！
一地兩檢，基本法附件三這條深埋地底的氣喉，爆出裂口，26公里長的隧道由西九點火，爆得勁過天津！
自爆每月睇30本書的吳得掂，屁股指揮腦袋，替小三學生問你一句：局長，今個月爆肛未！
