2019年6月22日 星期六

伯伯讚青年有勇有謀


82歲的鄭伯和太太昨到警總集會,指6.12時中過催淚彈
【蘋果日報】從69日反送中大遊行起,年輕面孔湧現在遊行隊伍和示威集會中,當中亦不乏白髮蒼蒼的年長一輩。他們在戰場上被年輕人的有勇有謀所感動,也令他們更堅決要為下一代的自由而繼續奮戰。
身為多年六四集會和7.1遊行的常客,警方612日對示威者所採取的武力,還是讓身處現場的鄭伯、鄭太震驚和氣憤。「香港開埠以來,從未見過呢啲場面!」82歲的鄭伯形容當日有如四面楚歌的災難場面,年紀老邁的他一直從夏愨道逃到金鐘站,惟仍被催淚彈熏得眼淚直流。
「老嘢」逐漸覺醒
但見識過警方武力的兩人,這日仍一早來到灣仔警總外,堅持響應網民發起的示威行動。「林鄭不停帶人遊花園,暫緩係冇意思,一定要就五項要求畀個答覆。」他說深受年輕人在遊行和示威中的表現所感動:「以前成日話後生淨係識打機,但你睇到佢哋真係行動敏捷、有勇有謀,我畀十幾個like佢哋。」
為了支持年輕一代,他們希望能出一分力。「咁多年嚟,未見過年輕人咁艱苦,令我覺得一定要出嚟。」爭取民主廿多年仍不見成果,鄭太承認有點氣餒和心酸,但仍希望與年輕人一同努力下去。「香港實現民主嘅信心一定有,係唔知要用幾多時間。我哋可能都冇眼見,可能要到你哋嘅下一代先見到,辛苦你哋。」
警總前集會人群中,有58歲、退休前從事貿易的鍾先生,他從69日起一直有參與反送中遊行和示威,昨日又再與家人一同來到警總門前示威。「佢哋真係好有條有理咁提出訴求,係啲高官唔理,所以要為佢哋做返啲嘢。」
鍾先生亦希望香港人能繼續在下屆立法會選舉以手中選票抗爭,若民選議員繼續不斷被DQ,他認為香港人迫於無奈下只能革命。「我個人唔贊成武力,但到時用晒所有正路方法都冇辦法嘅話,咁流血都冇辦法。但呢個係最後一步,𐵱家唔考慮住。」
別說上一代拋棄下一代,70歲的黃先生昨從報道中得悉黃之鋒呼籲人群離開立法會,一齊包圍警總,他心想:「叻仔!呢個決策好岩。」於是他獨自出門,來到警總前。「我叫佢哋唔好衝,就算有鬼想掟磚都要㩒住佢,唔好畀佢挑釁。一唔冷靜,就會失去世界嘅同情。」他說若是佔中時這樣說,年輕人會冷言相向。但昨不少勇字行頭的年輕人都回敬:「阿伯,多謝。」
69日反送中至612日的示威,黃先生都有參與其中。他認為年輕人在反送中抗爭的表現,已獲得更多「老嘢」支持。「以前佔中時,佢哋都鬧後生仔讀屎片,搞亂社會;但612日後我去M記坐,聽到佢哋都同情班後生,佢哋都睇唔過眼!」看到沉睡多年的同代人逐漸覺醒,參與民主運動多年的黃先生對香港前途深感樂觀,「共產黨係睇到,唔係林鄭點會暫緩?」