【蘋果日報】今年夏天，這群中學生最渴望長大，因為未夠18歲，今年底區議會選舉、明年立法會選舉不能投票。他們選擇在放學後擺街站，呼籲「夠秤」的香港人登記做選民。17歲Yoanna慨嘆：「如果我有呢票，我會好想用我呢票去做一啲改變。」Zack昨日踏入18歲，他決定「暫緩」慶祝生日，前日在街站派發選民登記表格，「（做）大人對我嚟講，係去認定我做更加多嘅嘢，為香港付出更多。」
Zack和Yoanna是中學生反修例關注組成員，6月9日他們第一次走上街頭遊行。百萬人上街震撼未過，6月12日警察暴力清場、6月16日再出現百萬人遊行，社會迫使他們急速成長。
前日他們問人借「大聲公」和摺枱，在觀塘港鐵站外擺街站，呼籲市民7月2日前登記做選民。身材嬌小的Yoanna負責「嗌咪」，「你手上嘅一票係可以改變香港前途，喺立法會踢走令送中條例通過嘅議員。」她指，港人應該學到教訓，避免選出盲撐政府的議員，「唔好投建制派囉，要投返啱自己嘅議員。」
Zack說，年輕一代經歷「反送中」一役，明白到要關心社會，「你唔嚟搵政治，政治會嚟搵你。」他在學校邀請年滿18歲同學登記做選民，放學後參加集會和擺街站宣傳，「新一代絕對要企出嚟，揀一個合適區議員，為自己發聲。」昨日是Zack的18歲生日，他指暫時不會慶祝，但答應了留時間與家人吃飯，自己最大生日願望是「林鄭可以畀我抖吓」。
16歲阿謙亦在街站派傳單，他對警方6月12日武力清場印象深刻，很多人頭破血流，自己身體在學校準備考試，心思已經飄到去金鐘，「如果比起考試嚟講，守護自己香港更緊要，認識自己嘅香港更加重要。所以我會選擇去留意呢件事多過讀書，雖然我知係有少少唔啱，父母都有少少反對，但係我覺得我應該咁樣做囉。」
他指，很多市民都嫌登記選民很麻煩，白白放棄投票權利，「我哋每個人都應該把握呢個權利，因為唔知呢個權利之後仲會唔會有。」他希望公眾用選票踢走建制派，「就係因為建制派人數多，佢哋先有權力去主宰所有法案嘅通過、議案通過......而家都算香港一個最艱難時期，每一票都係好緊要，我都希望自己有資格去投呢一票。」阿謙指，雖然年輕人「未夠秤」投票，但可以在家庭多做一步，「叫你嘅父母登記做選民，咁樣已經足夠，到你真正長大18歲打後，你有能力去做更加前線嘅工作。」
記者現場所見，市民反應未算踴躍，倒是站在一旁的電訊公司推銷員，二話不說取走4張選民登記表格。26歲推銷員阿星說，曾經有途人罵學生收錢做事，但自己旁觀最清楚。他指，《逃犯條例》引發社會強烈反對，令自己覺得要登記做選民。
