雨傘運動一週年
http://hk.apple.nextmedia.com/news/art/20150928/19312690
去年12月11日凌晨，金鐘清場，各散西東，卻是92歲黃伯及69歲陳伯，友誼的開始。「佔領區冇傾過偈，清場後日日去立法會徘徊散步，反而越嚟越熟絡。」開設民主老友記手機群組，堅持到法院聲援被捕者。幾支電鑽，由屋企搬到佔領區，又由佔領區搬到「新大本營」。「滅了夏愨村，仲有麒麟村，好多同路人喺呢度聚腳，幫黃伯復耕。」有份搭建「請踩689」樓梯及「遮打自修室」的陳伯說。
家中招待同路人
麒麟村，是92歲農民黃伯的家。在上水站還得坐半小時小巴，甫入屋，就見「真普選快來」的揮春。相約兩老訪問，儼如管家的陳伯，叮囑記者12點前到達，一齊午飯，「呢度同金鐘一樣，加雙筷就埋位，邊個都歡迎」。留宿的傑仔，還有佔領區認識的張伯，都來了。活捉新鮮河魚、八餸一湯的農家菜，很豐富。「以前煮過大鑊飯落金鐘，又喺呢度擺過三圍，招呼同路人，濕濕碎。」他說。
退休前是製衣廠廠長，派駐高雄及內地工作，2006年移民加拿大又回流香港，陳伯說：「班學生好難鬥得過共產黨，但明知勝算唔高，至少爭取過，唔會後悔。」黃伯亦謂慶幸黃昏之年，找到同路人。傘運期間三次被捕，7.1通宵留守，坐着輪椅被送上警車一幕，感動幾許香港人。「清咗場之後，除咗陳伯，仲有好多年輕人嚟我呢度。𠵱家係休養生息，只要心未死，仲有機會。」92歲的黃伯如是說。
