武漢肺炎肆虐，港人對政府信心盡失，人心惶惶下搶米、搶廁紙，口罩更是一罩難求，炒至天價，就連在前線拼搏的醫護人員都未有足夠防護措施，口罩不足。
杜汶澤為此在外地訂購了2萬個口罩，打算送給前線醫護及其家屬，他今日接受《蘋果》電話訪問表示︰「唔明林鄭點樣去搵口罩嗰個資源，人人都係咁搵，大家都係咁撲。開頭我搵咗幾萬個，都係送唔到去香港，直至到今日嚟咗一批，打算送兩萬隻畀醫護同佢哋家屬，知道係好少，但我能力只係咁樣，無論財力或者搵到（口罩）方法。」
阿澤透露這個決定緣於老友位醫護太太的一番話，他說︰「聽嗰位醫護講，政府醫院居然叫醫護自己買口罩、面罩返工，我聽到覺得『有冇搞錯呀』，你唔叫差佬自己買槍返工。咁呢啲係保護自己人生安全措施，有啲㷫所以諗辦法買啲返嚟。梗係人人自救啦，呢個政府唔X推翻佢已經好畀面啦。大有大搞，細有細救，我哋又唔係劉鑾雄、李嘉誠咁樣，有幾多錢幾多辦法，能力範圍之內做到幾多得幾多，只要人人都係咁做，相信香港係有得救。」
