第35屆香港電影金像獎頒獎典禮噚晚舉行咗，賽前最受爭議嘅電影《十年》，因內容涉及政治敏感，遭大陸官方不斷施壓，但香港影人並冇因為內地官方恐嚇，而唔敢投票俾呢部戲，結果部戲成功攞咗最佳電影獎。
內地官方已向對媒體下達指令，全面封鎖呢個消息，聽聞中宣部噚晚得知《十年》得獎後，責怪某些單位辦事不力，疑件事冇咁易收科，盛傳有人要「孭獲」，同埋被官方秋後算帳。
不過，今次要搵人嚟「清算」都唔易，因為香港電影金像獎涉及咁多電影屬會，係玩一人一票嘅，你去封殺邊個呢？
據悉內地官方一直好想透過電影公司啲老闆影響香港金像獎，希望呢個頒獎禮都「染紅」，曾提出唔好分港片、華語片都可有資格入選各大獎項，但香港普遍電影人都企得好硬，一直抗拒「染紅」，唔通內地會越嚟越排擠香港電影人!?
