2017年8月14日 星期一

田北俊 (自由黨榮譽主席) :「乜咁快換咗財爺」

田少抽擊消失的波兒 :「乜咁快換咗財爺」
http://hkm.appledaily.com/detail.php?guid=20112354&category_guid=4104&category=daily&issue=20170805

現任財政司陳茂波
 
行政會議成員、金管局前總裁任志剛前日重出江湖再喺網誌《觀點》撰文發功,除咗力撐特首林鄭月娥嘅「理財新哲學」,為林鄭用萬億財政儲備開路之外,仲順手不點名插埋上手財爺、薯片叔叔曾俊華係「守財奴」。以任總江湖地位,自然引來政、商界議論紛紛,不過最到肉嘅「評論」仲係自由黨榮譽主席田北俊,佢一句「乜咁快已經換咗財爺喇?」完全說出了重點來。
田少噚日出po任志剛 (金管局前總裁) ,同消失的波兒 (現任財政司陳茂波),引起網民熱議
 
田少噚日係fb分享任總段新聞,之後話:「我只不過離開咗香港兩日啫,乜咁快已經換咗財爺喇?」仲hashtag#被遺忘的波兒、#行會成員做埋財政司嗰份、#薯片躺着也中槍。其實明眼人都睇到,任總連《基本法》第107條都解釋埋,話冇話唔可以用赤字預算,根本係財爺做嘅野,咁樣叫陳茂波情何以堪呢?田少個po引嚟近兩百網民留言、逾2,500人回應,有人好認同田少講法,話又唔見任總早幾年出聲?但亦有人支持任總,話搞全民退休保障、起老人院有乜唔好呀?

有財經界中人話,其實將財政儲備還富於民冇人會反對,問題係點用啫!經歷過梁振英年代,市民係擔心林鄭又將錢用埋喺討好大陸嘅基建工程、又或者明益建制,更甚就係為民望大派福利,將納稅人辛辛苦苦儲落嘅錢亂花,如果政府有心還富於民,其實最好就減稅,特別係高樓價之下,好多交足稅又冇乜福利,仲要供樓嘅中產,真係好辛苦㗎!