2016年10月30日 星期日

【吃人的經濟】黃埔變天,觀塘延綫淘汰老店

http://hk.apple.nextmedia.com/news/art/20160917/19773226
 觀塘延綫下月通車,港鐵出口站已大致完工 

觀塘延綫下個月通車,「港鐵效應」令紅磡、黃埔附近舊區變天。恒地上月底申請將機利士南路及必嘉街4棟唐樓強拍,負責收樓的田生地產,早前貼出通告收回地舖,在地舖扎根逾36年的南泰茶煙莊預計明年4月結業。而附近黃埔街、寶其利街地舖亦陸續被收購,「吉舖」達20多間,小店東主慨嘆昔日熱鬧社區漸變,「冇得你講情懷」。

「再守落去都冇咩希望。」南泰茶煙莊東主昌哥略帶黯然地說。1981年他在機利士南路開店專售茶葉、煙酒,近期因知悉恒地已收購樓宇逾八成強拍門檻,已將店舖出售,預計明年4月結業。鄰近的店舖早已拉閘,負責收樓的田生地產貼上併購成功通告,律師樓亦貼上通告,宣佈恒地附屬公司昌鳴有限公司已向土地審裁處申請,強拍機利士南路3044號及必嘉街75774棟舊樓。

59歲昌哥指明年結業就當提早退休,自己亦不得不退。觀塘延綫開通前夕,周邊店舖租金飛升,動輒逾兩萬元月租,舊式茶煙莊難以生存,「地(港)鐵綫開通係好事,自己冇本事賺箒,我做大生意、金融、珠寶就啱,做式微嘢就唔到你,好似米舖咁眨眼間就冇埋。」他不捨得街坊外,還有店內用了逾半世紀的金屬天平,「冇人收留就自己擺喺度懷念吓囉。」 

樓宇地舖陸續被收購
必嘉街、黃埔街、寶其利街一帶亦陸續被收購,地下「吉舖」共逾20間。呂錦雄在黃埔街開設越南餐廳19年,見證附近餐廳近年不敵貴租紛紛結業,「佢廚藝可能唔係唔得,因為生意額唔夠,租金冚唔到咁就要離場。」為應付加租,他身兼廚師、侍應和清潔三職,每日工作14小時,年中無休才勉強維生。他估計港鐵綫開通勢再加租,「再加我哋都唔諗住做,出去搵份工。」

同一條街的還有經營上海理髮店的趙老先生,遷入黃埔街現址逾10年,店內放置一排逾半世紀歷史、由日本進口理髮椅,員工一身傳統水藍色恤衫,而剪髮工具隨時代改進已轉用電剪,舊款手剪仍放在一旁,客人單剪只需40元。
 
71歲趙老先生指收購和重建令人流銳減,生意大減三成,一旦觀塘延綫和沙中綫開通,老店或要離場,「頂唔住啲租啦,你幾萬銀租做咩嘢,收幾十蚊點做?做嚟唔夠交租啦。」他直言政府想淘汰舊式小店,「冇得你講情懷,上海佬都死得七七八八。」回歸後見證馬照跑、舞照跳,但市井地道風光日漸失色,他慨嘆:「50年不變,現在已經變了很多,20多年已經變了很多啦。


昌哥︰「地(港)鐵綫開通係好事,但做式微嘢就唔到你。」

 
呂先生︰「港鐵綫開通實再加租,我哋都唔諗住做,出去搵份工。」