2016年10月27日 星期四

【為錢幣做奴隸】香港打工仔唔貪錢?調查:開心緊要過人工高

http://hk.apple.nextmedia.com/realtime/finance/20160628/55284349

 「勞力是無止境,活著多好不需要靠物證」黃偉文用一支筆,提醒香港人生活比金錢重要。如果你認為,香港打工仔有錢「乜都得」,那顯然你誤會了香港人。正所謂,有數據有真相,對香港人來說,有錢,真係唔係大晒。

Workday委託調查機構IDC進行調查,發現與其他亞太區國家比較,香港打工仔認為,打工首重「開心」,人工只是其次;比起中國、新加坡、馬來西亞、菲律賓、印度以人工行先,香港打工仔似乎相對較有骨氣。另外,對港人來說,選擇工作時,第三重保障感。

雖然港打工仔認為開心最緊要,不過實際情況又是另一回事。調查指,只有28%受訪者認為自己「快樂打工」,滿意自己的工作,為亞太區第三低。打工仔滿意度最高地區為菲律賓及印度,比例高達59%

值得一提的是,雖然香港「不快樂打工仔」佔多,但他們轉工的動力卻相對低,只有28%受訪者表示想轉工,同樣為亞太區第三低。報告指,此顯示即使對工作職位滿意,但不一定代表會對公司忠心不跳槽。

不快樂卻留在原位斯人憔悴,背後原因難道是因為「去邊度都死」?Workday亞洲區總經理戴天武Tim Darton分析指,由於香港打工仔工時長,一般每周都超過50小時,所以更著重工作環境是否愉快。不過同時由於香港勞動人口老化,因此他們在轉工時傾向保守,此亦解釋為何香港打工仔亦非常著重工作是否穩定、有安全感,當然香港樓價高企,不少家庭承擔巨額按揭,亦為打工仔考慮轉工時,帶來多一重顧慮。
 
Workday為美國上市之人力資源雲端軟件供應商,是次調查由IDC於去年12月至今年1月間進行,共訪問579名來自香港、中國、新加坡、馬來西亞、菲律賓、印度、澳洲打工仔。