2016年2月22日 星期一

【多災多難的來臨】蔡伯勵分析丙申猴年流年 : 「一年三破,全年多糾紛」

http://hk.apple.nextmedia.com/news/art/20160123/19463760
蔡伯勵分析丙申猴年流年,話2016年元旦、農曆丙申年初一都係破日,農曆正月亦係破月 

過去一年香港爭拗不斷,而猴年之初就遇200年一遇嘅三破,似乎沒有最差,只會更差!

蔡伯勵分析丙申猴年流年,話2016年元旦、農曆丙申年初一都係破日,農曆正月亦都係破月,一年之初遇到三破,仲係重要日子:「過去二百年嚟未試過,破當然係唔吉利,仲係有三個。丙申年梗係唔係咁好。」

佢分析丙申流年嘅四柱八字,五行欠水土,火、金兩行對峙相剋,從破、剋嚟睇,香港來年出現爭持不下、勢均力敵格局;放諸現實,無論政治、商業都多糾紛,明爭暗鬥。商業放緩,金融巿場淡靜,樓價下滑;又因為氣息沉悶,山雨欲來風滿樓,可能爆發自然災害。 

樓股唔得 轉攻為守

蔡伯勵話「最差係正月,官殺雜雜,戰鼓喧囂,第四季會好番啲,冇咁多爭拗」。不過,佢同時話,丙申八字中火金兩組結構充實,火煉真金,玉琢成器,互相對峙磨煉中反而彼此成全,破而有立,「最終可能會達至雙贏」,寄語香港人喺丙申凶荒之年存警戒心,「丙申年咁差,樓股都唔得,喺咁嘅情況,當然係轉攻為守」。