不少人將梁振英封為「港獨之父」，認為梁不斷將香港港獨問題小事放大，退休大法官胡國興亦認同是梁振英將港獨問題「放到大一大」：「講到：『嘩，好大危險呀、好大呢股勢力呀』，當然佢有佢嘅動機啦」，質疑梁誇大情況並以強硬手法打壓，藉此搏取中央認同爭連任。
「一年前我都未聽過港獨，（啲人話梁振英係港獨之父嘛！）咪就係囉！」胡國興指港獨問題本來流於學術討論，「開下會、傾吓偈」，「實情你咪由佢哋講到夠囉，冇緊要架，因為根本係做唔到，係荒謬，（若港獨）你水都冇得飲，食嚿豬肉貴到唔得了」。
但他指梁振英小事化大後卻儼如「成行成市」，惹來中港敵對情緒。胡相信中國如此強大國家，「唔會驚（港獨）嘅，但一定唔鍾意」，「如果將佢（港獨）一路吹噓、煞有介事，話好多人乜乜，中央最少喺個腦到都會跟進，係咪唔理佢？抑或停止佢？咁佢梗係想停止佢，因為係有0.0001%風險都唔好畀佢講嘛。」
問及梁誇大港獨的動機，胡估計梁藉此施以強硬手腕打壓，搏取中央認同及連任，「我諗都係呢個理由，如果唔係做乜要誇大呢啲咁嘅嘢？」他並指人大計劃就宣誓案搶先釋法，與梁誇大港獨不無原因，又指梁振英破天荒在宣誓司法覆核案中任原告人，絕非要為中央做「醜人」，而是想做「領功者」。
