廢除了傳統『誰大, 誰惡, 誰正確』就是唯一的『道德』指標了
https://www.youtube.com/watch?v=7REvv80-M9U
ViuTV節目《人住公屋我住公屋》今晚（1月11日）係最後一集，內容更加高潮一浪接一浪，見慣自由行嘅港人一定會好有共鳴，甚至越睇越嬲。
事關日本川口市芝園團地（公屋）住咗大量中國人，佢哋影響土生土長日本居民之餘，更大大聲數臭：「日本呢度食得唔好，邊有中國食得咁好啫，喺中國想食乜都得。喺日本餓係餓唔死，但飽又飽唔死。我返到中國話晒都有中國國籍，總之自己係中國人有中國心。」相信日本人都想講返句：「難聽過粗口。」
日本篇嘅主持盤菜瑩子講得好啱，中國人的確有句說話叫「入鄉隨俗」，不過呢批中國人唔學日文、唔跟人哋規矩，搞到團地管理機構喺屋苑貼滿簡體字寫嘅告示：「请将自行车移到停自行车处。」「这里不是厕所，请遵守规则！」「不可从阳台往下扔垃圾！」
屢勸不改原來已經好小兒科，喺有40年歷史嘅芝園團地住咗39年嘅老伯伯，仲話左鄰右舍係言語不通嘅中國人零交流都算，最慘係不時發生同中國人爭吵事件。另外，當地策劃組主席接受節目訪問時更指出：「外國住戶講話聲音較大，被日本住戶提醒降低音量後卻暴力相向。」之後就衍生出日本居民喺公眾場所留下「Japanese Only」、「中國人髒死了，滾回去」等字眼。
其實自己去搞亂個場，但又要彈人哋呢樣唔得嗰樣唔掂，係咩玩法？仲係抱住「我肯嚟乜乜乜，你哋要感恩」心態？或者其實佢哋勁醒水，見你用中文採訪，於是打死都要踩日本讚中國，如果唔係條片傳到返去鄉下，真係9條命都唔夠死。
