千隻還是草蜢，千萬隻就是蝗蟲
http://hk.apple.nextmedia.com/news/art/20150309/19068996
■自由行政策自二○○三年推行至今，令香港社會起了極大變化
《蘋果》訪問了不同界別的港人，從中了解自由行政策怎樣改變香港人的生活。
■袁秋樺劈炮避水貨客，但無奈每天仍要與拖篋客周旋
萬寧英雌：避都避唔到
廿二歲的袁秋樺（Nikki），兩年前因不屑公司助長水貨客搶奶粉，在網上寫了一篇名為「這都是我辭職不做萬（寧）的原因」一鳴驚人，成為網民心中的英雌，甚至登上報章頭條。兩年後今天，香港經歷越演越烈的中港矛盾、流血收場的「光復」行動，她新近轉職做港鐵月台助理，派駐水貨客最多的上水站，「真係點避都避唔到！」她苦笑。
家住大埔、上水返工的Nikki，生活總離不開水貨客。Nikki是公開大學政治及公共行政學系的三年級學生，為幫補每年五萬多元的學費，三年來都過着半工讀生活。二○一二年，香港經歷史無前例的奶粉荒，在萬寧兼職做收銀員的她，就因為向水貨客說不，做了一天平民英雌。
轉打港鐵工遇水客
「我都只係做兼職，嗰時好多本地媽咪買唔到奶粉，價錢炒到好高，BB冇奶食好大問題，啲水貨客一朝早湧嚟，掃晒啲奶粉，啲媽咪係真正用家，湊完小朋友返學，中午嚟買已經冇晒，真係好慘」。爆奶粉荒期間，萬寧規定每位客人，不問身份都可買四罐，她試過膽粗粗違規，偷偷只賣予本地媽媽，後來索性辭職。以為劈炮眼不見為乾淨，但Nikki苦笑，「辭咗萬寧份收銀，轉做連鎖時裝店售貨員，一半客仍然係自由行，你問我香港人有冇影響？其實講真一樣有，之不過你想買件衫，冇你個碼俾人買咗，你最多唔着，揀過第二件，但啲BB冇奶食就會餓親，影響更大」。轉新工做港鐵兼職月台助理，繁忙時段協助維持秩序，一樣與水貨客有緣。
