習近平到訪澳門之前，曾有消息指中央會向澳門送大禮，以示揚澳抑港，獎賞乖孩子，懲罰壞孩子，怎知道包括路透社及一份親中周刊，全受消息人士放風所累，報導了「假消息」。習近平根本沒有甚麼大禮物送給乖孩子，只是口頭稱讚幾句：「你乖」而已。讀者試吓向小孩子/孫兒在聖誕節講「你乖」，而畀佢一小塊朱古力，小孫會唔會好開心？
於是左丁山問一位資深建制派銀行家（已退休）：「點解事前有咁多消息話搞澳門人民幣證券交易所，葡語國家金融城市，依家乜都冇？」賓架N話：「大概係一啲大灣區整體規劃官員在廣州方面構思嘅，趁主席訪澳，事前放風，試探反應，點知各方潑冷水，潑到澳門官員都冇晒興趣，一啲澳門財金高官私底下表示，澳門冇咁大個頭，唔想戴咁大頂帽，唔搞好過搞，現在主席不提，澳門轉晒口氣，專心搞賭好過啦！」
澳門官員比較踏實，自己知自己事，唔會好大喜功。相反地，內地慣晒計劃經濟模式，一啲規劃官員以為樣樣可以設計出來就實行，事倍而功半，甚至往往一事無成，收埋唔敢講，譬如話解決大城市居住問題，某些城市大力興建租住房，點知起好之後，因質量低，冇居民願意轉房申請，變成「鬼屋」，但已經增加咗GDP增長（因屬固定投資項目也）。
澳門搞賭場，自引入美式賭場與銀河娛樂之後，市場競爭令賭場營運及服務比澳博獨大時代，進步好多，但有咗美式賭場，居然有人可以賴地硬，想像美帝迫害，真係過癮。有一位仁兄叫做張俊勇，非建制派對佢認識極少，最近報紙報導，呢位張先生原來係港區人大代表，城市大學校董，因被兩間賭場入稟追索賭債，已於十月及十二月去信全國人大辭職。
於是左丁山問一位資深建制派銀行家（已退休）：「點解事前有咁多消息話搞澳門人民幣證券交易所，葡語國家金融城市，依家乜都冇？」賓架N話：「大概係一啲大灣區整體規劃官員在廣州方面構思嘅，趁主席訪澳，事前放風，試探反應，點知各方潑冷水，潑到澳門官員都冇晒興趣，一啲澳門財金高官私底下表示，澳門冇咁大個頭，唔想戴咁大頂帽，唔搞好過搞，現在主席不提，澳門轉晒口氣，專心搞賭好過啦！」
澳門官員比較踏實，自己知自己事，唔會好大喜功。相反地，內地慣晒計劃經濟模式，一啲規劃官員以為樣樣可以設計出來就實行，事倍而功半，甚至往往一事無成，收埋唔敢講，譬如話解決大城市居住問題，某些城市大力興建租住房，點知起好之後，因質量低，冇居民願意轉房申請，變成「鬼屋」，但已經增加咗GDP增長（因屬固定投資項目也）。
澳門搞賭場，自引入美式賭場與銀河娛樂之後，市場競爭令賭場營運及服務比澳博獨大時代，進步好多，但有咗美式賭場，居然有人可以賴地硬，想像美帝迫害，真係過癮。有一位仁兄叫做張俊勇，非建制派對佢認識極少，最近報紙報導，呢位張先生原來係港區人大代表，城市大學校董，因被兩間賭場入稟追索賭債，已於十月及十二月去信全國人大辭職。
邊間賭場追債呀？一間係何超瓊控制嘅澳門美高梅，一間係拉斯維加斯康士登酒店。澳門美高梅去年十月追討佢2018年欠下嘅446萬元，康士登於十二月初追索135萬美元。
普天之下，一個人欠賭場債，最冇人同情，老友想幫都幫唔落，但張人大有解釋噃，佢在星島日報（12月20日）講：自己沒有逃避賭債，透過律師與賭場交涉，曾提出還款方案，不明白對方為何要高調揭露事件，因兩賭場皆屬美資，他推測事件背後並不簡單，皆因他自己留在美國投資高科技項目，包括晶片及高科技生物工廠，而目前廠房被搞，美國資產被凍結更不能入境美國，「投資高科技在美國非常敏感，早料到受此對待。」
張人大呀，張人大，到美式賭場賭錢，難道係美國佬威逼你入賭場嘅？何超瓊同中方關係密切到極，人大代表同佢可以傾偈嘅箒，難道何超瓊之澳門美高梅亦係受到美帝威脅，迫害投資美國高科技華人？怪事年年有，今年特別多，美帝無處不在，專門搞事，連人大代表賭場欠債都關美帝事！
