【蘋果日報】今次德國政府給予黃台仰及李東昇難民保護，引起香港政界關注，甚至有政界人士認為，德國藉今次行動對北京侵蝕香港一國兩制表態。
「睇佢爭取釋放劉霞就知」
有曾與德國官員交流的民主派中人稱，德國政府雖甚少公開就內地、香港民主發聲，「但德國政府支持香港民主自由嘅立場，可能比美國仲堅定」。
該民主派人士稱，德國駐港領事館過去不時與民主派接觸了解香港情況，「佢哋一直表達嘅訊息好一致，支持香港民主、擔心中共獨裁政權侵蝕香港民主法治」
，他曾獲邀到德國會見當地官員及議員，對方稱曾就內地及香港民主向北京表示關注，「只要睇德國爭取北京釋放劉霞出國就知，德國政府唔會因經濟利益，喺民主人權問題向北京妥協」。
德國駐港前總領事蘭布斯多夫（Nikolaus Graf Lambsdorff）也毫不掩飾支持港人爭取民主及傘運的立場，他離任前接受網媒立場新聞訪問，提及傘運期間曾向時任政務司司長林鄭月娥用德語表態支持傘運：「我相信香港人能為年輕一代自豪。我確信推進香港民主化的努力，將對政治甚至經濟有所裨益。」可見德國政府在支持香港民主運動上立場清楚，更不怕開罪北京。
德率先出手，歐盟隨時加入制裁 (蘋果日報) 2019年05月23日
【蘋果日報】本土民主前線召集人黃台仰獲德國政府政治庇護，雖然並非是在近日發生的事，但有民主派人士直言，北京及香港政府正因硬推《逃犯條例》修訂，在香港及國際社會引起大眾對「一國兩制」及司法獨立的信心危機。
「最壞係同美國一齊出手」
這個時候再引爆黃台仰獲德國政治庇護這顆「政治炸彈」，「等同提供一個實際嘅例子，外國政府已經唔當香港有公平同獨立司法制度，香港政府同打壓異見獨裁政府冇分別」，若果送中例獲得通過，「制裁香港嘅隨時唔只得美國，可能仲會有德國、甚至歐盟」。
該民主派人士稱，不少建制派對德國政府今次做法反應很大，「因為佢哋心知肚明，今次係第一次有西方國家、仲要係歐盟大國，有實際行動去表態，唔相信香港嘅司法制度、認為香港政府同極權國家一樣都會打壓異見，所以先至會畀政治庇護黃台仰」。
該民主派人士說德國行了第一步，「即係話一旦《逃犯條例》通過，西方國家制裁香港係好可能出現，因為德國政府已經就香港民主人權倒退，先行有行動，其他國家就可以跟住照做」。
該民主派人士更預期，一旦送中例獲得通過，不單止美國政府會有所行動，「現時咁睇，德國政府應該都有行動，而且德國又係歐盟大國，隨時連歐盟各國都會加入」，那時北京及特區政府便不是只面對美國如此簡單，「最壞情況係美國、歐盟一齊出手，即使北京想阻止，恐怕都乜冇辦法應付」。
