2014年7月11日 星期五

神棍擦鞋仔,共產黨 “錫晒你”,魔鬼也 “錫晒你”

批鄺保羅無恥涼薄
http://www.metrohk.com.hk/?cmd=detail&id=236891

身兼全國政協委員的聖公會大主教鄺保羅日前講道時批評,部分人參與「七一」遊行是基於羊群心理,隨即惹來坊間很大迴響。多名市民昨致電電台烽煙節目,批評鄺保羅的講話無恥及涼薄。

鄺保羅周日的講道錄音上載在聖公會的網頁。他提及今年「七一」遊行及集會時,有年輕人曾經向記者指,擔心明年不能再遊行,是沒用腦筋分析,「絕對同意香港有很多問題,但不致於壞得咁緊要,人嘅羊群心理就係咁,以為唔行就無得行。」

他更引用聖經指,耶穌如被宰殺的羔羊般,默默無聲。

多名市民昨日電台節目,批評鄺保羅的講話。有市民指,自己是聖公會的教友,當日亦有參與遊行,形容鄺保羅的說話涼薄和無恥。亦有牧師致電網上電台表明不同意鄺的解經方式,相信耶穌面對中共,必定會如對法利賽人般大駡。

導演李力持則在網上留言,讚揚鄺保羅「字字珠璣」。

易貝 : 篡改聖經
http://www.metrohk.com.hk/?cmd=detail&id=236894

日前跟中環一位律師行的朋友閒聊,談及預演佔中,有無造成影響,佢毫不猶疑話,有影響,不過唔係學生造成,係警方造成。將火頭燒向警方,佢哋又話我哋「尋釁滋事」喇!

朋友解釋,幾百人靜坐,對交通造成影響有限。再者,佢哋講明「朝早八點散水」,八點後先係中環繁忙高峰期,如果警方由得佢哋,八點後一定回復正常。但警方要拉人,封路,四周圍都係警察、警車,淨係警車都封咗一條行車線,點唔阻路?

佢仲話,反對佔中嘅人話佔中嘅人激進暴力,但整個過程參與者都係靜坐,無反抗,講暴力,警方抬人搣臉、拗手咪仲暴力,如果當日「佔中」都算暴力,「暴力」呢個字喺字典要有新解釋喇!

其實,點樣解釋,睇你想企係邊個立場啫。鄺保羅為咗「討好」阿爺,連耶穌都「出賣」啦!話耶穌被判死刑時都默默無聲。主教,耶穌嘅死係要成就上帝旨意,履行救恩,唔通大罵天父咩?你咁解說即係陷耶穌於不義。睇怕,咁落去,唔喺字典要改,聖經都要改囉。阿門。