人之將亡，其言也善，鳥之將亡，其聲也哀
曹仁超談香港民主路：除了汗水 還有血淚 勉年輕人為理想堅持到底
「唔好以為50萬人上街，人哋就會畀民主你，世間冇咁便宜嘅事。」人稱曹Sir的著名財經專欄作家、《信報》首席顧問曹仁超接受本報電話訪問時，罕有談到香港民主路，坦言擔心在可見將來「香港都攞唔到呢樣嘢（民主）」。他告誡年輕人，以民主為理想，就要作好犧牲準備，因為真正民主的代價，除了汗水，還有「血和眼淚」。
佔中公投有近80萬市民投票、511人在7.1遊行後預演佔中被捕，進一步觸動金融界神經。66歲的曹Sir去年胃癌康復，惟今年初卻驗出患有淋巴癌，正接受治療。他不想目前大暴瘦及沒有頭髮的樣子曝光，但面對記者關於民主的問題，仍毫不迴避地回應。
曹Sir強調，對香港爭取民主的過程不會給予意見、亦不想評論，但卻想提醒年輕人，香港人目前面對的是一個「強權政府」，「中央開心時咪畀你行前兩步，板起塊面時咪要你褪後兩步，係一場 hide and seek（捉迷藏）」。年輕人要知道「呢條路唔係只進不退，係要還嘅」。
語氣不慍不火的曹Sir坦言，不相信簡單的遊行與協議後，香港民主就唾手可得，其中過程必然是遙遠、漫長而且「好痛苦」，爭取民主不是遊戲，與投資一樣，「please prepare（for） the worst（請為最壞情況做準備）」，若將來金融體系要面對大動盪或失業率飆升，甚至是其他更大的犧牲，這都是無可避免，因為「somebody must pay（有人必然要付出代價）」，並指「你驚？咁你就係未準備好，我唔希望見到有理想嘅年輕人，付出代價後第二日就後悔，咁樣好可惜」。
03年港府圖謀通過23條立法時，曹sir曾高調反對。他指當年積極表態，某程度基於相信最終成功機會大，「我信23條中央會妥協，因為放棄咗佢都冇損失，但反白皮書，中央就冇得退！」他因而慨嘆，無論是他可見將來、抑或是年輕人的可見將來，都擔心香港人都未必可以得到真正民主。
倘若年輕人已經準備好承受這代價，曹sir乾脆一句「唔該，堅持到底」，他勸勉年輕人先要學會保護自己，若果真想要取得成功，就要靠韌力和決心，因為「爭取民主唔係一朝一夕，講緊係一生一世，可以堅持到最後嘅，先有機會贏」。
