2021年2月21日 星期日

武漢肺炎@紅磡 : 長生店負責人聞封區即爆粗:條遺體擺屋企呀?

政府達到了『目的』,『疫』自然會消退

武漢肺炎@紅磡|長生店負責人聞封區即爆粗:條遺體擺屋企呀?(2021.01.27)

https://hk.appledaily.com/breaking/20210127/EM5DPOBBR5EBTHDDJEKAH3GHTI/

政府昨日公佈劃出油麻地至旺角和紅磡兩個新的指定檢測區域,其中紅磡區域由東北至差館里、東南至船塢街、寶來街、西南至溫思勞街、紅磡南道、西北至漆咸道北,區內樓宇如有一宗確診個案或污水檢測呈陽性,居民需強制檢測。當中必嘉街1G至1K長樂大廈,因為有確診者而被納入強制檢測名單。紅磡是長生店聚合的區域,業界擔心對辦理先人後事有很大影響。

紅磡溫思勞街、必嘉街、老龍坑街、華豐街一帶,是殯儀行業的集中地,幾條小街聚集了近70間長生店。其中長樂大廈14個舖位中,就有12間是長生店(1間已遷出)。

殯儀業商會理事長郭凱邦今早在電台節目中表示,有業界人士擔心會進一步封區,店舖或被劃入受限區域,有商戶立即應變,提前將物資搬離。他續說,若殯儀商店被封,即使只是封一晚,亦會影響家屬、殯儀從業員及整個出殯程序,令先人無法出殯及火化,直言責任應屬政府的突襲封區。他希望當局有上述行動,應提早至少兩、三天通知業界,或講明封區只針對三無大廈住戶,不會影響到殯儀館及長生店運作。

從事殯儀逾40年的業界老行尊、中盛殯儀董事長吳火明表示,紅磡區內有超過一百間殯儀店舖,由於春節快到,很多市民趕着在年尾替先人出殯,「我哋殯儀界都好擔心, 如果封區,我哋點樣出殯,我哋啲工人點樣做嘢呢」。

吳火明表示,封區相關消息目前只靠從新聞得知,暫時未收到政府任何通知,認為政府應酌情處理殯儀業的封區問題,「人哋出殯訂晒日子,訂晒殯儀館,棺材唔車上去點出殯呢」。他指萬一真的要封區,由晚上7時封至翌晨6時,業界還是可以接受,因為「啲棺材車晒上殯儀館,朝早仲可以出車出殯」,但若封區「48小時就麻煩喇」。

吳火明直言業界對封區無任何對策,「殯儀館日日都有人守夜,惟有殯儀館先可以擺棺材,若果封區咁可以擺去邊度呢? 靈車只可以擺一副棺材,擺兩副邊個肯」。

在紅磡指定檢測區域內經營長生店的Tony說:「我哋每日嘅運作,係將物品、文件由紅磡區嘅店舖入面提走出發,但個別物品比較大型,好似棺木、祭品同埋相。」他解釋稱,按分區來說,殯儀館運作是不受影響,但日常用品包括靈車,是停放在紅磡區的長生店範圍內,如果封區,「連靈車都出唔到嚟,就比較論盡。」

他希望封區之前有消息,可以將靈車駛走,但相信其他用品仍然未必帶得走,包括寶燭和祭品。另外花檔的花圈及石廠的刻碑相片,也不能運出來供儀式使用。

「當然火化棺木,大致上相似,可以攞類似使用;但土葬刻咗名,指定一副就帶唔走。」Tony期望像油麻地封區「一晚搞掂,咁樣個影響係最細」。

有長生店負責人極不贊成封區,更爆粗大罵政府封區是「嘥X氣」,「封區我哋點做生意呀?啲人要出殯吖嘛,啱唔啱呀?梗阻我哋做生意啦,假如啲家人去出殯咁點呀?遺體擺喺家人屋企呀!」被問到若政府一意孤行封區會否感到憤怒,該負責人稱:「嬲都冇X用, 封乜X嘢呀封!」

該負責人又指不會因應政府可能封區而制訂任何對策,指出只能「到時先算」見步行步,但續指封區將嚴重影響殯儀從業員生計,「啲人去食屎呀,咁X多工人咁X多剩」。

長生店職員林先生表示,不太擔心強制檢測會影響到生意,「睇住政府點做,我哋只可以跟住佢嚟行」,但就擔心若政府突然封區,情況則比較麻煩,但「佢真係殺到埋嚟,都冇辦法,都要接受」。林先生稱,若政府封區,他們或有需要預先將顧客出殯的文件撤走,「你封咗呢個區,出入有問題,咁我要攞文件出文件,咁嗰陣時咪麻煩囉,可能要我等48小時,我點算呀,香港出個殯都要快,拖又冇得拖,等又冇得等,所以文件撤走咗會方便啲」。

棺材店負責人鍾先生,不擔心強制檢測或封區,「冇乜所謂,都慣咗」,但就表示疫情期間生意有所下跌,所以若政府封區,就「當做放大假」。

另外,有業界指出,本港每日有約140人過世,每日處理約60具遺體,如果突擊封區,「擺唔到文件,出唔到殯」會有連鎖反應﹐包括食環署210個火化爐,因為一兩日停辦而要重新排期,醫院的遺體也會因而累積。

該名業界批評政府沒有和他們商量,他反而是在茶餐聽和花店職員中聽聞,有食環署職員提醒他們隨時會封區,不要入太多貨。

昨晚深夜,有長生店職員漏夜將物品放入尼龍袋,包括壽衣、吉儀及簽名冊等運走,安放在其他地區,以備未來3日使用。