【建立社區精神的時代】醫生抗爭，差餉拆細交

http://hk.apple.appledaily.com/news/art/20141027/18914099

 

公立醫院醫生工作忙到「甩轆」，過去一個月，翁梓銳（圖）醫生下班後卻還帶着疲累的身軀，由灣仔律敦治醫院徒步到金鐘佔領區。「每年7.1遊行政府當你廢嘅，市民被忽略太耐，要癱瘓呢個社會，如果唔係（政府）唔理你」。他驚訝香港人的堅毅，「時間越長越體驗到自發性同自律性好強」。

9月27日，翁梓銳到政總支援衝入公民廣場的學生，翌日於醫療站做義工期間，嘗到人生第一口催淚煙，又不停幫示威者洗眼。除了在醫院候召及到海外開會，一有時間就會到金鐘佔領區做義工或落場靜坐。

「每年7.1遊行嘅民氣都好短暫，好難得有一次可以堅持咁耐，幾令人意外」，市民之間互相扶持，更令他感動。他唯一一次到旺角醫療站時，「有人主動問唔夠乜物資，我話可唔可以幫手搵把梯，半個鐘頭後就攞條梯嚟」。

80後的翁梓銳表示，新生代對政府已失去信任。佔領運動此刻未有成果，佔領者沒可能撤退；但長遠要成功，他主張提升不合作運動，「我會將差餉分幾十次交」。