佔領行動到了第39天，凌晨3時，一個女仔坐在旺角佔領區溫書，她叫阿萱，是中大宗教研究的碩士生。
「我28號已經有落嚟，差唔多日日都落嚟！」阿萱憶述由9月22日，學聯發起25間大專院校學生一連五日罷課開始，她已經獨自參與這場雨傘運動，通宵留守超過20日，為的是自己用眼用耳用心去感受，香港社會到底出了甚麼問題？
經歷過催淚煙的攻勢、體現過警察拿警棍在眼前揮動，阿萱坦言「好驚」，但卻遠遠不及父母對她的誤解和反對。「佢哋覺得出嚟示威就係搞事！」她透露父母都是教育界，惟政見卻與她各走極端，目前家人對她實行全面經濟封鎖，家人試過多次向她發出「最後通牒」，更實施「宵禁令」，逾時就鎖門不許回家。
母親為了勸她回家吃飯，只好搬出婆婆做「擋箭牌」，阿萱都有願意配合共享天倫的時光，惟近日局勢轉趨平靜，阿萱多了回家，反而與父母多次發生爭拗，「大家一開始都係理性討論，但最後我又說服唔到佢，佢又說服唔到我。」
不過阿萱仍然堅持抗爭，更透過這次訪問向父母說出心聲：「我哋出嚟唔係玩玩吓、唔係搞事，係覺得公義比錢更值得追求。希望香港變得更加好，我哋愛呢個社會、愛呢個香港，希望屋企明白我！」
