http://www.metrohk.com.hk/?cmd=detail&id=210624
中國共產黨其實係一個好叻嘅政黨，但好多人特別係香港人，其實唔係好明白呢一點。喺中國歷史上，佢哋搞咗好多次密室談判，幾乎次次都係贏家。1920年代，國民黨同中國共產黨密室傾掂第一次國共合作，通過成立黃埔軍校，為共產黨培養出包括林彪、徐向前等解放軍將領。
1937年，國共經過7個月內6次密室談判，促成第二次國共合作，被國民黨迫到守喺江西省井崗山嘅共產黨爭取到喘息嘅機會，留番啲最難打嘅仗畀國民黨同日本人打，終於坐大成功，喺1949年成立政府。共產黨唯一蝕底嘅一次，就係1980年代同台灣嘅李登輝搞密室談判，畀李登輝摸清楚共產黨嘅底，然後李登輝就宣布「戒急用忍」，拒絕同大陸融合。
但到2010年同香港嘅民主黨密室談判，就又成為大贏家，搞到香港泛民分裂，令到香港泛民嘅「五區公投」唔齊人，聲勢大減；而且最犀利嘅係，香港「泛民」中間形成心結，彼此猜忌，至今不能撫平。
黨非國，中共非中國，抗共才是愛國
