https://hk.news.appledaily.com/local/daily/article/20190907/20763849
這兩個月抗爭前線，催淚彈如雨下。遇上催淚煙退後時向後退是自然反應，但有人卻選擇逆向前行，步入白煙中，不慌不忙向剛爆發的催淚彈倒水、蓋下那個「師奶蒸魚碟」撲熄催淚煙，更有用網球拍輕輕一挑一擊物歸原主。你以為前線手足都是「大大隻隻」、無無懼？但在記者眼前的阿木，只是個斯文有禮四眼書生，直言站在前線滅火「淆呀！」因慳錢重複使用已燒燶、價值10元的鐵兜、滅煙滅到哮喘發作、為滅煙而差點被速龍捉住……這些都是滅火隊阿木的日常。縱然如此，他仍希望憑自己一點力量，減低催淚煙對市民的傷害，「如果我咁樣可以感動佢哋，知道班後生仔唔係搞事，我覺得值得嘅」。2019年暑假，15歲的阿木就在催淚煙中度過。
2019年暑假，阿木無悔在催淚煙中度過
8.24，記者跟阿木（化名）一同到觀塘遊行現場，最初阿木還有兩個滅煙隊友同行。Peter（化名）曾在滅煙時遇上速龍追捕，情急下將自己的頭盔拋擲出去成功脫身。穿起標準全黑裝備現身的Andy（化名）平日則以滅火筒滅煙，但要到外國讀書的他，8.24就是他的「終局之戰」，「好忐忑，唔知聖誕再返嚟會係點」。問他有甚麼要跟香港的手足說？Andy頓了頓，「光復香港，時代革命」。
雖說有伴，但到了戰場，各司其職，加上現場一陣騷動，朋友各自逃命隨即走散。阿木隻身站在前線，「𠵱家你啲friend又走失埋，係咪仲驚？」攝影師問。「有你囉！哈哈！」阿木笑着回應。不過更令阿木擔心的是「驚朋友走唔切」。8月長沙灣一役，阿木和Peter均在場，阿木雖因救火而險被警察捉住，但更令他擔心是不太敏捷的Peter不知會否被捕，「嗰日跑到去個巴士站，即刻打畀佢睇吓佢安唔安全」。
那天的牛頭角志明橋，粉紅色和粉藍色之間，還有濃濃催淚白煙。在抗爭前線，滅火隊一手拿鐵兜，另一手拿樽水，嚴陣以待。突然速龍及防暴衝出，及後施放催淚彈，示威者四散，有示威者被撲跌。身為滅煙隊的阿木亦急着逃亡，無法淋熄催淚彈，有一絲愧疚。「嗰種情況好似有啲……無用武之地嗰種感覺，即係我着晒裝，點解人哋救到，我又好似救唔到咁樣呢？」一眾示威者不久後便重整旗鼓，等待警方下一波攻勢。在示威者用木棍敲擊水馬的砰砰聲中，阿木亦整裝待發，但掩蓋不了驚恐。「三、四粒喺我隔籬爆都可能見慣見熟，但企喺度望住，腰心位咁飛過嚟，淆呀！」
用了兩個月的濾罐失效，阿木難抵催淚煙，要坐下休息。
無奈用害死人組合
記者問阿木，滅煙有哪些方法？他如數家珍，雪糕筒、蓋鐵兜、淋水，還會驚嘆地說見過有人用濕地拖、滅火筒，快速滅掉催淚煙。當催淚彈射向人群，走上去已成自然反應。「佢扔到過嚟，第一時間就係開水樽蓋然後淋水，放個鐵兜落去，跟住踩住」。本以為滅火隊會準備十個八個鐵兜，蓋上催淚彈就走；但阿木卻在淋水蓋鐵兜後留在原地，為的就是取回鐵兜再用。不過阿木雙手佩戴的只是普通防割手套，無甚隔熱效果，要不等待至鐵兜冷卻，否則就要拿着「辣手」的鐵兜離開。
淋水、蓋鐵兜、等待、再拾回，重複四、五次；有時候數名滅火隊一同衝前淋熄催淚彈，鐵兜就不用出動。亦有時，阿木衝到冒煙的催淚彈附近，發現催淚彈已被淋熄，轉身又再尋找下一個剛射過來的催淚彈。一個下午，在觀塘偉業街，阿木已協助淋熄十顆八顆催淚彈。這兩個月淋熄的催淚彈數目，多得數不了。
戴着「豬嘴」救火的阿木，得知記者所佩戴的濾罐是「神裝」60926，直呼「好吸引」。雖然身為滅火隊，但阿木只戴着一個6003濾罐，這個配搭，是網民形容的「害死人組合」。物資難買，「買唔到個轉接蓋，所以裝唔到P100（濾棉）」。阿木就用這個害死人組合在前線滅煙，用網民的說法，就是「用生命值硬接」。阿木在硬接數次後哮喘病發，直言「個肺有啲辛苦」，跑到後排吸哮喘藥。但30秒過後，阿木又向我們舉起拇指，說了句「行得走得！」然後再回前線。不過再捱多次催淚彈密集攻擊後，阿木亦因身體狀況不適而退下火線。哮喘病人也要任滅火隊？真的不怕死？「我想做啲實質幫到手嘅嘢，你一唔做前線嘅嘢，咁你永遠都匿喺人哋後面」。警方近月亦在住宅區肆意施放催淚彈，阿木就認為淋熄催淚彈可助示威者之餘，亦可減低普通市民被催淚煙傷害的機會。「如果我咁樣可以感動佢哋，知道班後生仔唔係搞事，我覺得值得嘅！」
準備迎戰一刻，阿木緊緊捉實水和鐵兜，隨時衝前滅火
雖是滅火隊，但阿木只配備最基本的6003濾罐，是網民形容的「害死人組合」
催淚彈殺到一刻，阿木立即衝上前協助滅火
「10蚊兜」循環再用
滅火至哮喘發作已非首次，記者追問下，阿木推算「可能濾罐用得太耐」。「買唔到？定慳家？」記者再問。「我以為可以繼續用呀！」原來豬嘴繫着的害死人組合，他已用了兩個月。同樣繼續用的，還有那燒燶了又再拾回的鐵兜。記者本以為鐵兜只是「單日循環再用」之後丟棄，催淚彈的高熱又將鐵兜熏黑，既然鐵兜已燶，又何必取回？阿木笑着答：「10蚊㗎哈哈！」用了數百元購置裝備，近日再添置泳鏡，再加上花數百元參加教會宿營，阿木這星期剩下50多元可用，「所以我𠵱家每日都食包」。縱然如此，他亦不忘其他手足，「喺樓下五金舖，買咗廿幾三十個眼罩，扔畀物資站」。
拍攝當日，阿木問攝記借20元食晚飯，攝記游說良久，才成功請他食飯。記者其後到便利店買飲品，阿木婉拒，隔了不久，他突然說，「畀20秒我，出去有啲嘢搞搞」。不消一會，手持一瓶蜂蜜綠茶回來，記者問「頭先咪話買埋嘢飲畀你！」阿木擺手又搖頭，「頭先攝影哥哥已經請咗我食飯，支茶我畀得起，OK㗎！」
除金錢困難，阿木也有藍絲家人。每次「發夢」後回家滿身催淚煙味，他認為家人也猜到自己站在前線。常看「港人港地」的家人，在他發夢時均會在WhatsApp發送溫馨提示：「今日空氣幾差，你又哮喘，和平遊行完之後就快啲返屋企食飯喇，幾夜都好，平安回家就好。」他知道家人的關心，「但係我唔聽，哈哈」。那麼暴動罪又怕不怕？阿木反而第一時間想起藍絲家人，「如果我第日真係俾人拉咗，你會唔會睇清楚，究竟𠵱家香港發生咩事呢？會唔會去吓啲和理非活動呢？」邊苦笑邊說：「往好嗰方面睇，純粹覺得呢個係俾人拉嘅bonus囉！」
無悔烽煙下的暑假
戰線長近三個月，心情有時難免低落，阿木曾在吃飯時感到無力而流淚，和理非活動就是他治癒心靈的良藥，故就算身為前線，和理非活動亦不缺席。訪問前一日（8月23日），阿木就出席了「香港之路」，令他8月24日抗爭的心更為堅定，「大家一齊喺度嗌口號，好有香港人好團結嗰種感覺，大家會有個信心，喂聽日一定要出嚟。」拍攝當日晚上10時，阿木就在一個屋苑內高呼「光復香港 時代革命 五大訴求 缺一不可」。他直言過癮，「大家真係有反應畀返你，望到真係開心。」
志願成為攝影師的阿木，心目中的暑假是令人期待的。「我已同friend講咗，日日都要出嚟影相。我哋已經有個list，諗住逐個地方去，原本仲諗住去個旅行！」三個月過去，阿木出沒的地點由各區攝影好去處，變成各區的戰場。說來慚愧，記者的15歲，放學回家的娛樂是看電視劇《學警雄心》，朋友之間的話題不乏「你鍾意吳卓羲定陳鍵鋒」，男同學還會討論那個短髮薛凱琪，在電視劇中入學堂受訓成警察的劇情。但阿木的15歲，已是戴上地盤安全帽和豬嘴，站在示威前線，面對荷槍實彈的警員。
抗爭者和《寵物小精靈》的精靈一樣，也會進化。阿木最初只是做物資隊，之後進化至糾察、拆鐵馬、再進化至滅煙隊；「係政府逼出嚟，係警察逼出嚟」。「我完全冇諗過自己會衝咁前去救火，出咗第一次，咦我真係做到喎！咁就繼續試落去」。這時的阿木有點興奮又帶點儍勁，畢竟他只是個15歲中學生。記者問：「做晒暑期作業未？」他答：「未呀，未掂過，連有啲咩都未知。」阿木頓一頓，「最後一日趕埋佢囉！」暑假的星期六、日，他都在忙抗爭。事實上，臨近暑假完結的8.31，阿木也是出港島「行街」。
阿木將要迎來16歲生日，生日願望也是預料之內，「希望政府真係會攞返個良心出嚟，希望件事快啲完」。記者問：「有冇覺得自己成熟咗？」阿木答：「冇，反而覺得個暑假好快過。冇估到今個暑假會喺催淚煙之中度過」，這樣度過2019年的暑假，甘心嗎？「都算犧牲咗啲嘢，但如果最後個成果，政府真係回應到嘅，咁我覺得冇問題呀！」
