中學生誤當反文革

http://hk.apple.nextmedia.com/news/art/20160602/19637823

【一知半解】聖公會曾肇添中學中三女生：「唔係好知（89年中共領導人），好似係習近平？唔係，毛澤東先啱，定係周恩來？鄧小平？」

本報記者街訪發現，大部份受訪中學生對六四事件一知半解，出現「六四係由習近平領導」、「為咗反對文化大革命」等張冠李戴的情況。有受訪中史科教師團體預測，學生未來將對六四事件一片空白。

 【一知半解】漢華中學中一生劉同學：「啲學生係因為反對文化大革命俾人派上街……咁我當然支持學生，文化大革命唔好吖嘛。」

中史教師︰最後會一片空白

記者於沙田區及小西灣區街訪約廿名中學生，發現無論是傳統左校或普通學校，高中或初中，學生均對六四事件一知半解，有受訪學生更反問六四「係咪1964年發生」，亦有學生指六四的中共領導人為習近平、毛澤東，目的為反對文化大革命，出現史料錯誤、張冠李戴的情況。

中國歷史教育學會主席、有20年教授中史科經驗的方耀輝，認為現在的中學生出生於後六四年代，「佢哋冇機會接觸亦未必會感同身受，唔好講話邊一邊嘅立場係啱，點分好壞，佢哋根本連六四係乜都唔清楚」。方又指學生對六四事件的認知將會日漸減少，「去到最後會連乜係六四都唔識，會撈亂以為係五四運動，（對六四）一片空白」。

 

陳智聰退休前每年向學生講解六四事件，他觀察到近年老師因行政工作繁重、議題敏感，越來越少講解六四歷史，學生亦變得抽離，他憂慮中共屠殺真相埋沒，「可能同內地人一樣，六四冇乜印象到底邊年邊月邊日發生乜事，只係一個數字」。