接連有反送中人士輕生，遊行人士哀痛之餘，呼籲大家互相支持。
【蘋果日報】過去兩星期，接連有年輕人留下反送中語句後自殺，涉及三條寶貴生命。昨日7.1大遊行隊伍中充滿哀悼聲，有大學生直斥政府冷血，「200萬人出完來，政府冇理過，所以先會有人想以死明志」，但不希望再有人犧牲，「我覺得如果有勇氣跳落去，不如先一齊企上前線」。有遊行人士認為，事件反映年輕人對政權絕望，雖然尊重死者決定，但盼望香港人「撐到底，活着鬥長命」。
昨日的遊行人士對接連有反送中人士輕生感到痛心。大學四年級學生陳同學坦言，對接連有反送中人士輕生十分難過，不希望再有下一個，眼看政府一直沒有回應民間訴求，她一度情緒低落得吃不下飯，形容以100分為滿分，絕望指數已達到99分，剩下1分是希望，「如果唔係都唔會再出來啦，就係明知絕望都要走出來？」
同行的郭同學指，留意到曾站在前線的朋友情緒低落，出現手震、浮現衝突畫面等心理創傷症狀，「往往係靜落來嘅時候情緒最低落，我自己有時都好想唔睇（新聞），但真係好難做到」。郭同學昨日亦主動說要陪陳同學上街，笑言「佢成日自己一個」，她希望灰心的年輕人知道，「睇吓現場，其實仲有好多人支持緊你哋」。
上街人士與犧牲者的精神同行。
醫護轟林鄭逼市民入絕境
21歲王同學斥責林鄭月娥一意孤行，等同「他殺」，「咁多人出來你都唔肯講撤回，我覺得係賤格，只係等大家丟淡件事之後就可以重啟，林鄭講句撤回，可能救返三個人」。對於接連有人輕生，王同學承認自己也情緒低落，「呢個月係20年以來最漫長，但見到仲有咁多後生仔出來，我唔會絕望」，他寄語年輕人「唔好死」，留下性命可以做更多。
手持白花參與遊行的邱先生表示，自從得悉有反送中人士輕生，「感受當然係唔好」，認為香港向來是比較穩定的社會，「家居然會有人因為政治訴求或理念犧牲，喺香港係好少見」。他認為社會情緒由雨傘運動後便開始積累，現時再送中惡法的導火線下引發，政府必須出來回應有抗爭者輕生的事實，「無論佢撤唔撤回、下唔下台，家都係搞出咗人命」。
任職醫護的林小姐則認為，接連輕生事件顯示出年輕人的絕望，「唔好問佢哋點解，但係會感受到佢哋嘅絕望，好似喺度冇出路，所以先咁樣選擇，真係好可惜」。她認為某程度是政府把市民逼上絕境，「如果一個愛市民嘅政府係唔會咁樣」，認為要靠彼此支持及鼓勵，「大家係可以一齊去面對，真係要去陪伴佢」。
早前在太古廣場墮下身亡的梁姓男子，曾留下反送中遺言，昨日大遊行起步前，陸續有人到場悼念。
