劈炮警總飯堂經理：唔想變大陸
【蘋果日報】警方6.12在金鐘暴力清場引發社會反彈，在灣仔警察總部擔任飯堂經理的Ricky在翌日辭職。本月16日他接受在HBO播放的《Vice
News Tonight》訪問，明言無法再服務警察，「唔可以喺度做落去……我都想我第時嘅女，生活係一個比較安全、比較自由嘅地方，我唔想香港變成大陸」。
曾任警總飯堂經理的Ricky，辭職後參與本月16日反送中遊行。
難忍警員指學生搞風搞雨
「我喺香港出世，我喺香港生活咗38年。」Ricky在香港土生土長，他早前接受外媒《Vice
News Tonight》訪問，憶述6.12在警察總部餐廳當值，見到警察一邊吃早餐、一邊批評示威學生，「佢（警察）都係講學生點樣阻住條路，點樣影響到香港經濟，搞風搞雨呀。」他形容當時警察表現得好「衝勁」，「佢哋已經上晒full
gear（全副武裝），好似一支箭咁等緊射出去」。
那日早上10時Ricky下班，回家後一直失眠。他輕嘆一句，「唔可以喺度做落去」。翌日他決定辭職，到本月16日參加反送中遊行，成為200萬人的一分子，走到警察總部外百感交集，「幾日前我仲喺度（警總）做緊嘢，今日我就企喺度……企喺佢哋嘅對立面嗰度」。
Ricky指參加遊行人數非常多、氣氛更熱烈，自己的訴求有兩點，港府不要控告學生暴動罪，承諾撤回《逃犯條例》修訂，「暫緩意思即係話你終有一日會推返出嚟，但我哋要嘅係呢個惡法永遠都唔會出現；如果你哋咁都收唔到（民意），我覺得呢個政府真係好失敗」。
