■阿鋒憂關注組被老師針對，需地下運作
特首梁振英及教育局多次重申校園港獨無討論空間，中學生自發在各校成立的本土關注組迄今卻累積最少40間，包括觀塘傳統左校福建中學。該校關注組成員阿鋒（化名）直言，香港二次前途問題逼近，他作為年輕一代「唔想食花生」，決心喚醒同學關注，但為免成員身份曝光，組織只能地下運作。
「福建中學本土關注組」成員阿鋒向《蘋果》透露，組織現有5名成員，仍處於招募階段。地下關注組將秘密行動，「如果去到一個冇辦法公開派傳單嘅情況，我哋會秘密宣傳理念，可能喺廁所貼貼紙，亦有諗過放學後喺冇閉路（電視）影到嘅情況下擺單張、貼紙落其他同學locker」。
「唔想食花生」瞞父母
由於校方立場親中，不少同學擔憂身份曝光被針對，「怕俾老師發現，連like（專頁）都唔敢」；若被指在校內搞事，「會俾老師監視，會多咗老師想捉你出嚟照肺」。通識科老師對政治議題則避重就輕，「（人大）8.31都會講少少，但唔會講背景，唔會講香港俾中國呃咗幾多次有雙普選」，亦有教師藉教材「表露愛國情懷，講祖國係好偉大」。該校亦有大量新移民學生，「一入到班房好似返咗大陸，個個講普通話，好難溝通」。曾有同學詢問校方使用簡體字教材的原因，隨即被新移民同學譏諷為反中亂港，「唔想香港變成中國；不過𠵱家已經變緊」。
除慎防校方發現，阿鋒出席關注組會議，甚至接受《蘋果》訪問，都以溫書、補習等藉口隱瞞父母，「好孤單，有啲孤軍作戰」。但他以廿三條立法、國民教育為例，指二次前途等政治議題對年輕一代影響甚大，「呢條路係我哋呢個世代一定要跨過，我哋唔想要一個咁嘅社會，就要用自己嘅力去改變」。就讀高中的他表明「唔想自己係食花生嘅一群」，望以行動喚醒同學思考港獨、歸英、修改《基本法》等不同方案。
